Самаан сайын салаллан кэлиитин оҕо эрэ барыта күүтэр. Нам улууһун Хамаҕатта нэһилиэгин биэс түөлбэтигэр араас таһымнаах үлэлэр тиһигин быспакка ыытыллаллар. «Үрдэл» түөлбэ активист олохтооҕо Саргылана Индеева уонна түөлбэ салайааччыта Екатерина Саввинова “Педагог уонна наставник” сылынан түөлбэ оҕолоругар » Үрдэл түөлбэ оҕолоро” диэн проект оҥорон үс күннээх площадканы арыйан от ыйын 19, 20, 21 күнннэригэр үлэлэттилэр. Барыта 4-тэн -14-гэр диэри саастаах 16 түөлбэ оҕото сырытта.
“Түөлбэбит оҕолоругар «Үрдэл түөлбэ оҕолоро” диэн проект оҥорон үлэлэтиэххэ диэн сүбэлэһэн бараммыт үс күннээх площадканы босхо арыйан үлэлэттибит.
Сыала-соруга оҕолор бэйэ бэйэлэрин кытта билсиһиилэрэ, алтыһыылара, Березовая, 40 лет Победы, Новая, М.К.Аммосов улууссаларга кимнээх олороллорун билсиһии, араас тэрээһиннэри ыытыы.
Үс күммүтүн оҕолору кытта былааннаан ыыппыппыт, ол курдук 1-кы күҥҥэ оҕолор ориентированиеҕа пионер ойууругар карталаах, компастаах КП көрдөөтүлэр, Протопопов Олег Николаевич, ХСФЛ география учуутала ыытта.
2 -кис күммүтүгэр миэхэ дьиэбэр саахымат, остуол, хамсаныылаах оонньуулары оонньоотулар, ас астаатылар, дьиэ кэргэн библиотекатыгар кинигэ аахтылар, театр, муода көрдөрдүлэр. Маны таһынан тиэргэммитигэр баар кэтэх хаһаайыстыбабыт кыылларын сибиинньэни, кууруссалары, ньирэйдэри көрдүлэр, аһаттылар.
3 -һүс күммүтүгэр, Березовая, 40 лет Победы, Новая, М.К.Аммосов уулуссаларга кимнээх эбээлэрэ олороллорун, олорор уулуссаларын аатын билистилэр. Түмүгэр флеш-моб үнкүүлээн астынан, үөрэн-көтөн тарҕастыбыт.
Үс күн иһигэр оҕолору бэйэм иилээн-саҕалаан илдьэ сырыттым, манна уолум Индеев Айсен вожатайдаан көмөлөстө.
Мантан сайын Саввинова Екатерина Гаврильевна «Эбээ үөрэҕэ” диэн тэрээһин ыытара былааннанар-, диэн кэпсээнин түмүктээтэ проект автора Саргылана Руслановна Индеева.