Улуустааҕы аҕа уолунаан  күрэх бэрт сэргэхтик ааста

Россияҕа Аҕа күннэрин чэрчитинэн алтынньы 13 күнүгэр «Түһүлгэ» норуот айымньытын «Эркин» аҕа сүбэтин көҕүлээһининэн Хамаҕатта нэһилиэгэр Уол оҕо сылынан Аҕа уонна Уол сыһыаннарын сомоҕолуур, бастыҥ доҕордуу буолалларын бэлиэтиир «Аҕабынаан астыахха» улуустааҕы сонун, сэргэх тэрээһин буолан ааста!

Уол оҕо үгэстэри тутуһа, сиэр-майгы өттүнэн көнө чиэһинэй, туохтан да толлон турбат, үтүө үлэһит буола улаатарыгар киниэхэ тулалыыр эйгэтэ, дьиэ кэргэнэ, ордук аҕата холобур буолар.

Маннык тэрээһиннэр аҕа уонна уол оҕо оруолун, уопсастыбаҕа үрдэтэр,  дьиэ кэргэн үтүө үгэһин үйэтитэр, чөл олох холобурун тарҕатар соруктаах ыытыллаллар.

Тэрээһин үөрүүлээх аһыллыытыгар нэһилиэк олохтоох дьаһалтатын баһылыгын солбуйааччыта Москвитин Владилен Николаевич, Нам улууһа муниципальнай тэриллии дьиэ кэргэн политикатын специалиһа Еремеева Лидия Васильевна,  Хамаҕатта «Эркин» аҕа сүбэтин салайааччыта Уодай  Владимир Георгиевич эҕэрдэлээтилэр.

Е.М. Шапошников аатынан Хамаҕатта орто оскуолатын 3 кылааһын үөрэнээччилэрэ: Эрэл Иванов, Харысхан Старостин «Аҕам курдук буолуоҕум» ырыанан үөрүүлээх чааһы киэргэттилэр, бэлэмнээтэ Екатерина Заболоцкая.

III түһүмэх түмүгүнэн дьүүллүүр сүбэ күрэх кыайыылахтарын быһаардылар. Кыттыбыт  дьиэ кэргэн уопут атастастылар, сыаналаах бириис тутан үөрүүлэрэ үксээтэ.