СӨ суруйааччыларын, РФ журналистарын Сойууһун чилиэнэ, СӨ үтүөлээх үлэһитэ, самодеятельнай композитор, Хамаҕатта нэһилиэгин, Нам улууһун Бочуоттаах олохтооҕо Александр Дунаев “Эн уонна Мин» кинигэтин сүрэхтэниитэ, бу дьыл алтынньы 23 күнүгэр, Хамаҕатта нэһилиэгин «Түһүлгэ» норуот айымньытын киинигэр үөрүүлээх быһыыга-майгыга буолан ааста.

   Поэзията суох олоҕо сатаммат киһинэн, поэзия уонна музыка чугастыыларын, ону ааһан букатын уруулуу буолалларын  Дунаев Александр Григорьевич олоҕор, айар үлэтигэр чопчу көрөбүт.

   Ылбыт эрэ киһи иһигэр иитиэхтээн илдьэ сылдьар баҕа санаатын аһаҕастык дьоҥҥо — сэргэҕэ таһаарбат, хоһоон гынан хоһуйбат, ырыа гынан көтүппэт.  Дьонтон хайа эрэ өттүнэн чорбото тутар уратылаах киһи, дьон иннигэр кэпсиир, көрдөрөр, махталын, тапталын этэр.

   Кинигэҕэ киһи киһиэхэ сыһыаныгар, КЭРЭ туһунан суруллубут.  Истиҥ, сылаас, таптал, махтал тыллартан тиһиллибит сырдык сыдьаайдаах кинигэ, күн сирин көрбүтүн бэлиэтии ыраахтан-чугастан ыалдьыттар тоҕуоруһа муһуннулар.

  Кинигэ Дьокуускай куоракка «Дани Алмас» хааччахтаммыт эппиэтинэстээх хампаанньаҕа сэттэ уон экземплярынан бэчээттэнэн тахсыбыт.

• 103страницалаах кинигэ киирии тылын «Киирии тылым итэҕэттин»  диэн төбөлөөн ааптар бэйэтэ суруйбут.
• Иккиһинэн, «Айылҕаттан айдарыылаах салайааччы» диэн  улуус баһылыга Юрий Иннокентьевич Слепцов ахтыыта киирбит.
•  Кинигэ 5 түһүмэхтэн турар: «Бар дьонум үтүө өйдөбүллэрэ», «Бэйэм туспунан», «Мин туспунан суруйууттан», «Тапталлаах Хамаҕаттабар анаабыт хоһооннорум», “Хамаҕаттабар анаабыт ырыаларым»
•  57 ахтыы
• 4 хоһоон
• 4 ырыа киирбиттэр.

    Бу киэһэ ыҥырыылаах ыалдьыттарынан буоллулар кинигэҕэ ахтыы суруйбут чугас  доҕотторо, үөлээннээхтэрэ, үөрэппит оҕолоро, аймах-билэ дьоно.

   Эҕэрдэ тыллары эттилэрХамаҕатта нэһилиэгин баһылыга Евгений Сергеевич Ушницкай, «Комсомольскай сопхуос» дириэктэринэнн үэлээбит, СӨ Ытык бэтэрээнэМихаил Сергеевич Баишев,муниципальнай сулууспа бэтэрээнэИван Николаевич Максимов, СӨ суруйааччыларын сойууһун чилиэнэ, «ОФСЕТ» хааччахтаммыт эппиэтинэстээх тэрилтэ менеджерэ  Басылайканова Галина Григорьевна – Кэнтик кыыһа, «Түбэ нэһилиэгэ» МТ баһылыга Григорий Викторович Гулеяв ,СӨ бочуоттаах үлэһитэ, этнограф  Вильям Федорович  Яковлев – Түһүлгэн, СӨ култуураҕа, искусствоҕа, духуобунаска туйгуна Екатерина Павловна Павлова, Н.М. Рыкунов аатынан Намнааҕы кииннэммит библиотека сүрүн исписэлииһэ, СӨ култууратын туйгуна Раиса Николаевна Дьяконова уонна ааҕааччыны кытта салаа сэбиэдиссэйэ, СӨ култууратын туйгуна Наталья Васильевна Павлова.

  Үөрүүлээх тэрээһин ыалдьыттарынан өрөспүүбүлүкэ ааҕааччыларыгар киэҥник биллэр суруналыыстар  СӨ култууратын үтүөлээх үлэһитэ, суруналыыстыкаҕа СӨ Государственнай бириэмийэтин лауреата, “Саха сирэ хаһыат» үөрэххэ, култуураҕа уонна духуобунаска салаатын редактора Татьяна Афанасьевна Маркова уонна   суруйааччы, РФ суруналыыстарын уонна суруйааччыларын  Сойууһун чилиэнэ,  “Саха сирэ» хаһыат салаатын редактора Галина Васильевна Нельбисова  алтыспыт кэмнэрин,  Александр Григорьевич редакция күүтүүлээх ыалдьыта буоларын итии-истиҥ тылынан ахтан эҕэрдэлээтилэр.

  Ол кэннэ сыанаҕа ыҥырыллан таҕыстылар устудьуон кэмиттэн доҕотторо РФ худуоһунньуктарын айар сойууһун чилиэнэ, СӨ маастара,  краевед Турантаев Валерий Гаврильевич – Чолбон, мас ууһун маастара, СӨ уустарын сойууһун чилиэнэ Черноградскай Валентин Петрович, табаарыһын СӨ култууратын үтүөлээх үлэһитэ, норуот маастара Корнилов Борис Егорович кэргэнэ Корнилова Прасковья Николаевна.

  Александр Григорьевич олох умсулҕаннаах суолунан, айар-тутар абылаҥнаах аартыгынан айанныыр Наммыт улууһун айар, суруйар дьону түмэн  киэҥ былааннаах үлэни ыыппыта.  Кини ылсыбыт дьыалата, дьайыыта, үлэлээбит үлэтэ хайаан да үтүө түмүктээх буолан – бу кинигэ таҕыста!

   Нам улууһун  «Отуу уота» айар түмсүү салайааччыта  Алексей Михайлович Татаринов —  Удьурҕай түмсүү чилиэннэрин кытта эҕэрдэлээтэ. «Ты самый хороший и добрый человек в мире» диэн Яна Максимовна Аммосова, Александр Григорьевичка махтанан эппит тылларынан төбөлөөх ахтыы-эссени суруйбут   кыраайы үөрэтээччи, “Туллук хаара» мелодистар түмсүүлэрин чилиэнэ, СӨ үөрэҕириитин бочуоттаах бэтэрээнэ Екатерина Афанасьевна Лукинова — Сэргээнэ эҕэрдэтэ болҕомтону тарта.

   Ол кэннэ сыанаҕа Александр Григорьевич салайааччы быһыытынан үтүө хаачыстыбаларын, үлэлээбит сылларын олус кэрэтик, сылаастык биир тэтимҥэ, биир санааҕа түмүллэн үлэлээбит коллектива эҕэрдэлии таҕыста:  Габышева Галина Федоровна — социальнай боппуруостарга  сүрүннүүр специалиһынан үлэлээбит, СӨ тыатын хаһаайыстыбатын туйгуна, бэтэрээнэ; Шелковникова Клавдия Михайловна — Александр Григорьевичка  2010 — 2012 сылларга солбуйааччынан  үлэлээбит, СӨ уонна РФ ФК уонна спортка туйгуна, СӨ ФК уонна Спортка үтүөлээх үлэһитэ; Харитонова Владилена Владимировна — оччолорго экономика уонна харчы боппуруостарыгар сүрүннүүр специалиһынан үлэлээбит, субу кэмҥэ Нам улууһун хонтуруоллуур, суоттуур палататын инспекторынан үлэлиир; Иванов Павел  Гаврильевич- Хамаҕатта нэһилиэгин спортивнай залын директорынан таһаарыылаахтык үлэлээбит, билигин Нам улууһун  ФК уонна Спортка управлениетын начальнига; экономика уонна харчы боппуруостарыгар сүрүннүүр специалиһынан, расчетнай бухгалтерынан, субу кэмҥэ Нам улууһун финансовай управлениетын начальнигын солбуйааччытынан үлэлиир Иванова Наталья  Александровна.

   Кылаас салайааччытынан үлэлээбит выпуһуттан СӨ култууратын туйгуна Саха Аар Кыыһа Сандаара Оротоо; СӨ үөрэҕириитин туйгуна, В.Артамонов аатынан саха-француз лиссиэйин социальнай  педагога Люция Дмитриевна Ушницкая;  «Отуу уота литературнай түмсүү» чилиэнэ, хоһоонньут Зинаида Васильевна Нератова  —  Тупсууна учууталларын олус истиҥник аҕыннылар.

  Быраата, СӨ үөрэҕириитин туйгуна, Горнай улууһун Бэрдьигэстээҕэр олорор Терентьев Степан Петрович эҕэрдэтин ыллаан киэргэттэ.

   Кинигэҕэ киирбит ахтыылары ааҕа олорон Александр Григорьевич олоҕун аргыһын, кэргэнин Розалия Романовна туһунан ахтан ааһалларын элбэҕи бэлиэтии көрөҕүн. СӨ үөрэҕириитин туйгуна Розалия Романовна «Аҕабыт – эрэллээх эркиммит» диэн ахтыытын ис сүрэххиттэн иэйэн ааҕаҕын.

  Александр Григорьевич саҥаны, кэрэни өрүүтүн үөрэ ылынар, кэрэ дууһалаах киһи. Кулууптар уонна Александр Григорьевич икки ардыбытыгар сырдыык-сырдык утах тардыллан, биһигини өрүү ситимниир. Бу истиҥник санаһыыбыт быстыбакка көлүөнэттэн-көлүөнэҕэ бэриллэ, тэнийэ турарыгар баҕаран тураммыт, Түһүлгэ норуот айымньытын киинин коллективын аатыттан К. Еремеев тылларыгар, А. Дунаев  мелодиятыгар «Хаһан этэй” диэн ырыанан Татьяна Гаврильева эҕэрдэлээтэ.

  Бу киэһэ Александр Дунаев айбыт ырыалара сыанаттан ылланнылар. Ол курдук, «Нам кылыһах» бөлөх доҕуһуолунан 5 саастаах сиэнэ Айтал Кобяков оҕо-аймах уоһуттан түһэрбэккэ ыллыыр «Чыычаах» диэн ырыатын толордо, А. Кобяков тылларыгар “Дойдубар» диэн ырыатын уус-уран самодеятельность актыыбынай кыттыылааҕа Маргарита Мокрощупова, Сандаара Оротоо “Төрүт  түөлбэм, Хамаҕаттам» хоһоонугар саҥа айбыт ырыатытын анаата. «Чаҕыл»  бөлөх уолаттара анабыл хоһооннору ааҕан эҕэрдэлээтилэр.

  Түмүгэр үтүө санаа эйгэлээх, истиҥ киэһэ ыалдьыттара, кыттыылаахтара бу кэрэ күнү үйэтитэ хаартыскаҕа түстүлэр.