Хамаҕатта нэһилиэгин күнэ
- 05/03/2024
- 42
- нет
Тапталлаах Хамаҕаттабытыгар сааскы күннэр саҕаламмыттарын бэлиэтээн тураммыт, уруйдаан-айхаллаан кулун тутар маҥнайгы күнүгэр “Түһүлгэ” норуот айымньытын киинигэр оҕолуун-уруулуун, эдэрдиин-эмэнниин, Ытык кырдьаҕастарбытынаан бары бииргэ түмсэн үөрэ-көтө нэһилиэк күнүн көрүстүбүт!
Инникини эрэллээхтик көрөр хамаҕатталар Хамаҕаттабытын “Олох уонна сайдыы төрүттэнэр, саҕаланар сирэ бу – Хамаҕатта!” диэн этиини күүскэ тутуһабыт, киэн туттабыт, бар дьоҥҥо тарҕатабыт.
Нэһилиэкпит күнүн үөрүүлээх чааһын Хамаҕатта баһылыга Евгений Ушницкай дьонун-сэргэтин эҕэрдэлээн арыйда уонна наҕараадалааһынтан саҕалаата. Бу күн нэһилиэк биэс түөлбэтэ, көхтөөх түмсүүлэрэ, тэрилтэлэрэ, сыл устата биирдиилээн киэн туттар биир дойдулаахтарбыт чиэстэннилэр-бочуоттаннылар! Ол курдук, быыбар хамыыhыйатыгар өр сылларга бэриниилээх, таһаарыылаах үлэтин иһин хамыыһыйа сэкэрэтээрэ Уодай Т.Р. Ил Түмэн Бэрэссэдээтэлин махталын ылла,чилиэттэр Канаева Л.В., Тарбахов М.Н. Ил Түмэн олохтоох бэйэни салайыныы сис кэмитиэтин бочуоттаах грамотатынан уонна Харитонова Н.С.,Аргунова А.И. улуус Баһылыгын бочуоттаах грамотатынан наҕараадаланнылар. Маны сэргэ, нэһилиэкпит социальнай-экономическай сайдыытыгар кылаатын иһин “Хамаҕатта нэһилиэгин Ытык киһитэ” үрдүк аат Готовцева Г.Д. үрүҥ көмүс чаһыны кытары туттарылынна. “Хамаҕатта нэһилиэгин сайдыытыгар кылаатын иһин” бочуоттаах знактары Парникова Н.А., Герасимова З.Н., Евсеева А.Д., Сивцев В.Н., Дунаева Е.А. Индеева С.Р., Петрова Р.Я. түөскэ иилиннилэр.
Маны таһынан “Түһүлгэ” сынньалаҥ киинин дириэктэрэ Харитонова А.А. “Хамаҕатта нэһилиэгин култууратын сайдыытыгар кылаатын иһин” уус-уран самодеятельнасть актыыбынай кыттааччыларыгар түөскэ анньыллар бэлиэлэри Полищикова Р.В., Гоголев А.А., Евсеева А.Д., Ильин В.С. Саввинова Е.Г. туттартаата.
Тэрээһин саамай күүтүүлээх, долгутуулаах кэмэ – “Сыл бастыҥнара-2023” анал ааттары тутуу:
- Нэһилиэк олоҕор көхтөөхтүк кыттар бастыҥ тэрилтэ — МБДОУ «Центр развития ребенка-детский сад «Тускул»» с. Крест-Кытыл МО «Намский улус» Республики Саха (Якутия)
- Бастыҥ общественнай түмсүү — «Тупсууна» дьахтар сэбиэтэ, сал. Индеева С.Р.
- Бастыҥ ветеран общественник — Захаров Николай Дмитриевич
- Бастыҥ тыа хаһаайыстыбатынан дьарыктанааччы — Максимова Матрена Николаевна
- Бастыҥ түөлбэ салайааччыта — Зоирова Саргылана Иннокентьевна, Арыы-Тиит туэлбэ салайаачыта
- Бастыҥ общественник — Аманатова Мария Николаевна
- Нэһилиэк олоҕор көхтөөхтүк кыттар бастыҥ дьиэ кэргэн — Колпашниковтар Саргылана Даниловна уонна Ариан Васильевич
- Бастыҥ урбаанньыт — Жирков Александр Степанович
- Уус-уран самодеятельность көхтөөх кыттааччыта — Кокорев Иван Николаевич
- Бастыҥ спорду кеҕулээчии — Колесов Сандал Иванович
- Бастыҥ көхтөөх ыччат — Парников Айхаан Николаевич
Хамаҕатта нэһилиэгин Баһылыгын бочуоттаах грамотатынан нэһилиэк олоҕун сайдыытыгар киллэрсэр кылааттарын иһин 29 киһи наҕараадаланан үөрдүлэр-көттүлэр.
Хамаҕатта нэһилиэгин общественнай олоҕо инники күөҥҥэ, үрдүк таһымҥа сылдьарыгар умсулҕаннаах үлэтинэн, сомоҕолуур, айар-тутар талба талаанынан, үлэҕэ бэриниилээх эппиэтинэстээх сыһыанынан дириҥ кылаатын киллэрсэринэн Хамаҕатта нэһилиэгин түөлбэлэрэ харчы сертификатынан наҕараадаланнылар, ол курдук:
Кытыл- 10 тыһ.солк.
Хардыы – 15 тыһ.солк.
Сайдам – 20 тыһ.солк.
Үрдэл – 25 тыһ.слок.
Арыы-Тиит – 30 солк.солк.
Бырааһынньыктааҕы киэһээни Михаил Надежда Макаровтар, Екатерина Илья Заболоцкайдар, Татьяна Владимир Уодайдар, Хамаҕатта нэһ. Дьиэ кэргэттэрэ кыттыылаах ансаамбыл » Дьол бу сиргэ» ырыанан, «Айыы Хотун» үҥкүү ансаамбыла Баһылай Уһунуускай-Сэки «Сайылык ахтылҕана» хоһоонугар үҥкүүтүнэн, дуэт — «Күн Куо»- Даана Парникова, Мария Соловьева » Өбүгэм суолунан», »Түһүлгэ» фольклор бөлөҕө » Уһуктуу» Любовь Иванова суруйуутугар, Ретро-Данс народнай үҥкүү коллектива — «Күлүм түүл» , Самбо, Ча-ча, «Намылы» трио — » Намым сирэ» Елена Намчы мелодиятыгар, »Кытыл кыыма» вок.анс З. Винокуров музыкатыгар «Сүрэҕим тэптэҕиэн» диэн ырыаларынан киэргэттилэр.
Дьоро киэһэҕэ нэһилиэк олохтоохторо бастыҥнарынан ааттаммыттар үөрүүлэрин тэҥҥэ үллэстибиттэрэ, ытыс таһыммыттара. Олохтоох дьаһалта Хамаҕатта күнүгэр үөрүүлэрин холбуу, үллэстэ кэлбит ыалдьыттарга, олохтоохторго барыларыгар тиксэр минньигэс тордунан күндүлээбиттэрэ.
“Хамаҕаттабыт сарсыҥҥы сардаҥалаах күҥҥэ өссө киэркэйдин!” диэн бэргэн тылларга кыралыын-улаханныын, төрөөбүт дойдуларыттан ыраах тэлэһийэ сылдьар хамаҕатталар,олохтоохтор бука бары кыттыһабыт!
