Бүгүн, алтынны 29 күнэ — Сэбиэскэй Сойуус ыччатын саамай халыҥ

түмсүүлээх тэрилтэтин — Комсомол төрөөбүт күнэ. Ленинскэй комсомол күнүгэр уонна Хамаҕатта нэһилиэгэр Патриотизм сылынан «Түһүлгэ» норуот айымньытын киинэ патриотическай ис хоһоонноох тэрээһини ыытта.

Үлэ чааһа саҕаланыыта кулууп дьиэҕэ комсомольскай, пионерскай, сэбиэскэй кэм ырыалара ньиргийдэ.

«Комсомол» диэн үрдүк  ааты сүкпүт: Хамаҕатта комсомолецтара, «Иэмэх» бөлөх, » Барахсаана», «Дьоһун саас» түмсүүлэр салайааччылара, актыбыыстара бириэмэнэн суруйтаран кэлэн тэрээһиҥҥэ кыттыыны ыллылар. Тэрээһин  Сэбиэскэй Союз өрөгөйүн ырыатынан саҕаланна. Ол саҕанааҕы ыччат дьону ааттарын-суолларын умнубакка санаан, герой комсомолецтары кэриэстээн чуумпуран ылыы буолла. Кэлбит  дьон  кулууб фойетын киэҥ саалатыгар «Комсомол — үгүс көлүөнэ  дьон аалай көмүс сулуһа»диэн фотозонаҕа хаартыскаҕа түстүлэр,  «История кэм -кэрдии кэрэһитэ»

викторинаҕа оонньоон кинигэ бириистэннилэр, эдэр саас, комсомол туһунан ырыалары экраҥҥа караоке ньыматынан доргуччу ыллаатылар.

Бу курдук, биир дьоһун кэрдиис- кэминэн буолбут Комсомол күнүгэр Хамаҕатта комсомолецтара түмсэн бэлиэ датаны санаан-ахтан аастылар. Түгэнинэн туһанан, хаартыскаҕа түһүү муннугун оччотооҕу малынан хааччыйбыт  «Дьоһун саас» түмсүү салайааччытыгар Сандаара Оротоо Аар кыыһыгар махталбытын тиэрдэбит. Өссө төгүл  умнуллубат биир сырдык кэрэ кэминэн, айар-тутар сирдьит буолбут Комсомолбут күнүнэн биир дойдулаахтарбытын эҕэрдэлиибит!