Хамаҕатта нэһилиэгин  «Түһүлгэ»  норуот айымньытын киинин иһинэн үлэлиир «Күн Эгэлгэ» коллекционердар түмсүүлэрин  салайааччыта Маргарита Евтропьевна Охлопкова көҕүлээһининэн «МОЯ ВИНТАЖНАЯ СЕРВИРОВКА» онлайн-быыстапка буолан ааста.

Барыта онлайн-быыстапкаҕа 34 кыттааччы Нам улууһун нэһилиэктэриттэн, ыаллыы сытар Уус-Алдантан, Мэҥэ-Хаҥаластан, Хаҥаластан, Дьокуускай куораттан, Бүлүүттэн, ыраах сытар Орто-Халыматтан, Дьааҥыттан уонна Забайкальеттан бэйэлэрин сервировкаларын хаартыскатын ким хоһоонноон, видеолаан ыыттылар.

Нэдиэлэ иһигэр сэбиэскэй кэминээҕи  Дулево, Вербилки, Богдановичи заводтар, ону тэҥэ омук иһиттэрин астына көрдүбүт.