Ыам ыйын 9 күнүгэр, Нам оройуонугар  Аҕа  дойду Улуу сэриитигэр Кыайыы 81 сылынан, М.К. Аммосов болуоссатыгар байыаннай-патриотическай парад уонна миитин буолла. Бу ытык күн хас биирдии киһиэхэ сырдык өйдөбүлү, кэриэстэбили ытыктабылы саҕар. Былаах, саарык киэргэллээх сэлэлии хаамсыы колоннатыгар, Улуу Кыайыыны уһансыбыт дьоммутун ахтан-санаан, хорсун быһыыларыгар сүгүрүйэн Хамаҕатта нэһилиэгин тэрилтэлэрэ анаммыт тэрээһиҥҥэ долгуйа көхтөөхтүк кытыннылар. Колоннаны нэһилиэк баһылыга Ушницкай Е.С. , ыччаты кытта үлэҕэ специалиһа Максим Заболоцкай салайан киллэрдилэр. В.П. Артамонов аат. Саха француз лиссиэйин үөрэнээччилэрэ, Нам оройуонун историятын уонна духуобунай култууратын кытта сибээстээх, Улуу Кыайыыны уһансыбыт биир дойдулаахтарбыт ааттара барыта биир сиргэ тиһиллибит «Кыайыы болотунатын» тутаннар сэлэлии хаамсыыга кыттыннылар. Бу курдук, Улуу Кыайыыбыт өрөгөйүн биир сомоҕо буолан түмсэммит чиэстээхтик бэлиэтээтибит.

Татьяна Гаврильева